Horahia te hūpa paukena

Nā Te Atarangi

I te orokohanga o te wāhanga tuarua i tae ā tinana ki tōku kowhiringa hei tunu i te hūpa paukena, whakanui hoki i te whakarewatanga paetukutuku, hei kai hoki i te huawhenua i whakatō tātou o Kaiao. Ko ngā ringawera ko mātou, ko Meto, ko Mīhara, ko Josephine, ko Nan hoki. I tunu mātou ringawera ki roto i te Whare Tapere a Māui Tikitiki a Taranga.

Katahi ka aro mātou ki te tapahi ki te taha o Nan i ngā paukena, ā, i tango a Meto, rātou ko Josephine, me Mīhara hoki i nga kiri mai i te paukena. Ka tapahi i te paukena i roto i ngā tapawhā. Kia māmā, kia ngohengohe.

Ko te mahi tuarua me rāu atu mātou ngā paukena ki roto i tētahi oko wai wera kia ngohengohe te paukena. Hei māmā teranumi.

Ko te mahi tuatoru hei whaka reka i te hūpa paukena ka tiki a Nan i tetahi oko hei maringihia te kirīmi, me te kirīmi kawa ki roto i te oko, ā, ka tunu ahau i te aniana me te karoti kia namunamuā te kakara me te hanga o te hūpa. I te wā kua tunu te aniana, karoti,me te paukena ka whakakotahi mātou i ērā kai, ā, ka ranumia ahau.

Ko te mahi whakamutunga ha maringihia e Hariata te oko kirīmi ki roto i te oko paukena hei hangaia te hūpa, ka ranumia e au, me Josephine i te kirīmi me te paukena kia reka te tirohanga o te hūpa paukena.

Hei whakakapi i tēnei kōrero ka karakia mātou, ā, ka whakahoahoa ahau i te hūpa ki a mātou te akomanga o Kaiao, me ngā manuwhiri i tau mai kia mahia i o rātou mahi, ara ko te tango whakaahua o mātou mahi hurinoa i tēnei kura, i te poupoutanga o te rā i tau mai ōku hoa me te mihi kia mātou ngā ringawera mo te tunu i te hūpa paukena.