Kaiao - Te Paetukutuku

Nā Te Rina

Hei whakataki ake i ēnei kōrero. Te toto o te tangata, he kai taku oranga, te toto o te tangata he whenua, whakatō i te mauri he mauri tipua

Wāhanga Tuatahi

I te tīmatanga o te wāhanga tuatahi, i tīmata māua ko Tanumia i tētahi paetukutuku mīharo rawa atu, mō kaiao.

Ko tā māua taumahi tuatahi, kia rīkoata me te tango whakaahua o te tunu whiritata, whare tāpere o Maui tikitiki a taranga. I tērā wā tonu i waho tētahi māpu tama e mahi hangahanga ana, e whakatū tomokanga ana hoki. I mua i te tunu whiritata, i hauhake mātau o kaiao i ētahi rīwai, me ētahi atu kai hei whakauru ki te whiritata. Heoi anō, i whakapai katahi i kai, ā, i hoki kainga.

Ko tētahi atu wāhanga o te paetukutuku, i tuku tono atu a kohire ki te kaunihera, mō ētahi kaupapa tino hohonu rawa atu. I whakauru māua i ēra rīpene, hei whakaaro mā te marea.

Koirā te nuinga o ngā i te wāhanga tuatahi o te marau o ikaiao, me te tīmatanga o te paetukutuku.

Wāhanga Tuarua

I te wāhanga tuarua i tīmata mātou katoa te tapahi i ngā pā harakeke. I tapahi i ngā harakeke kua mate, kua haere ki te poho o tō rātou kaitiaki, kia whai hā ngā pā harakeke.

Whai muri i tērā, i haere au ki te mahi i ngā māra ki te kura tuatahi.Ko te take i mahi au i ērā i te mea, i te tīmatanga o te wāhanga tuarua, kāre māua i aro ki te paetukutuku mō te rua wiki.

Heoi, i oti ērā wiki e rua, ā, i tae ki te wā aro ki te paetukutuku.

I te wāhanga tuarua, i haere mātou o kaiao ki ngā haerenga e rua. Mō te haerenga tuatahi, i haere ki te pā o Owairaka, kia kite i ngā hua kua puts i tō rātou māra. I whakauru māua i ētahi whakaahua me tētahi rīpene o mātua Keni Piahana e tuku karakia ana. I tino pai ērā wheako.

Ko te haerenga tuarua ki te rohe o Mangere ki Papatuānuku kokiri marae. I rata au ki tō rātou whakatau ia mātou ki tō rātou marae. Inā te rawe o tā rātou waiata mō te para kore.kaōre anō māua kia utaina i ērā mahi ki te paetukutuku, ēngari kei te whakarākei māua.

Te Whakarewatanga o Te Paetukutuku

I te tuaono o Pipiri 2018, i whakarewa māua ko Tanumia i te paetukutuku, i tinmo hīkaka māua, i kaute te katoa mai te 10 ki te 0, ā, i whakarewa māua i te paetukutuku. I tino hākoakoa māua.i ote otinga o te rā i whakangāhau, i kai hupa poukena, ā, i hoki kainga. Hei whakakapi i ēnei kōrero, ko te kaiao te mauri o te whenua māori, tiakina, maemoatia, te pātaka mātauranga.