Ko au ko tōku awa, ko tōku awa ko ahau

Nā Calais

I tērā wiki i hoki atu mātou ko Michelle, Lync, Ihipera, Te Rina ki te awa, I āta whakapaipai ake.

Kāre mātou i tino whai wā te whakatikatika i ngā wiki kua hipa nā runga anō i te huarere, nā te kaha ua. Koia te take i ngana te whakatika.

Ko te nui o ngā mahi he tango i te toenga o ngā pā harakeke pīrau me te tango i ngā tarutaru kino. Waihoki, te toenga o ngā trad. Ko te trad he mōmō akaaka o ngā pātītī, he mōmō tarutaru anō hoki.

I te mutunga mai o ngā mahi, i whakakotahi i ngā tarutaru, ngā pā harakeke pīrau, ā, i parea. Toru, Whā pea ngā wā i tae atu mātou ki te awa. Koia te take kāre i ea pai ngā mahi awa.

Mōku ake, i uaua i te tīmatanga mai o ngā mahi engari i kaha akiaki ngā tuākana i au, nā konā i māmā ake mōku te hāere tonu, te whakaoti i aku mahi ki te taha awa.

Nā runga anō i aku hiahia te whakapaipai, koia i uru au ki te rōpū awa, me te mea he hiahia nōku te kuhu ki te wai me te whai tūranga ki te uru ki te marau Kaiao.

Ko tāku e hiahia nei, kia mōhio ngā tauira o anamata ki ahau nā runga i aku mahi ki te awa. Kia whai mana ia o mātou i whai wāhi i roto i ngā mahi awa.