Te Whakatū Whare Heihei

Nā Tūwharetoa

I te tīmatanga o tēnei wāhanga te wāhanga i kowhiri au i te rōpu Whare Heihei mō te Kaiao. I roto i ō mātou nei rōpu, me ohiomanomano mō ō mātou nei whakaaro, mō te Whare Heihei. Hei tauira ka aha? Kei te haere te whare heihei ki hea? He aha ngā rawa me hoko? Kia hia nei ngā heihei hei hokona? Amuri i ā mātou mahi ohiomanomano, i kimi mātou he wāhi hei whakatū i tō mātou nei whare heihei. Engari kāhore te whenua i te papatahi, he rōnaki kē te whenua. Nō reira i rangahau mātou, me pēhea te hangaia he retaining wall, arā ko tētahi rōpu e rangahau ana i te retaining wall, me ko taku rōpu e tiro ana ki ngā rawa me hoko mō ngā heihei hei tono ki a Pāpā Hare. Ko te wiki whai muri , mō te rōpu e mahi ana i ngā retaining wall, i te inehia e rātou he aha te nui o te retaining wall, ehia ngā papa rākau me hoko, me ngā rawa hei whakamahi mō te retaining wall. Mō taku rōpu i to mātou i ngā rawa kia Pāpā Hare hei hoko i te whare heihei, mē te whare oma heihei. Te rā whai muri i tae mai rawa, ā, ko tā mātou nei mahi ko te whakatū i ngā whare heihei. No reira i timata mātou me te whare heihei. Kua whakatutuki mātou i te whare heihei engari kāore anō mātou kia whakatū i te whare oma heihei. Kō ēra noaiho kua mahi mātou engari ko ngā mahi me mahi mātou ko te retaining wall me te whare oma heihei.

Ko taku rōpu he rōpu tino rawe, he rōpu kua tau anō hoki. E tino aroha ana ahau ki taku rōpu i te mea ko ngā mahi e mahi ana mātou mō te kura, anō hoki ki a Papa Hare me i kore i a ia, ka kore tēnei kaupapa e tutuki.