Toitū te kupu, toitū te mana, toitū te whenua

Nā Te Aorangi-Kowhai

Ko te tūāpapa o tōku whare kōrero ko te kaupapa o te poi tukurua.

I tēnei wāhanga ko tā mātou ko te Wharekura mahi, he hanga poi tukurua, ko te nuinga o ngā mahi hangahanga i roto i ngā akomanga Kaiao me te Poi.

Nā te kaupapa Housing Summit 2018 te wero i hoatu ki a mātou te Wharekura. Ko tā rātou ki a Whāea Ngapaki, ki te hanga mātou kia 300 ngā poi tukurua, ka koha mai rātou i te $4,000.

Nā Whāea Ngāpaki te wero nei i whakamōhio ai kia mātou te hunga Kaiao. I noho porohita mātou, kia whakarongo ki ngā whakamāramatanga, ā, katahi i timata mātou te waihanga poi. I tīhae i ngā momo papahune kia āhei mātou te here, ā, whai muri i tērā i hanga i te aho o te poi mai i te pepa pōhaha, ka mutu, i huihitia e mātou i te aho o te poi kia pai ake te āhuatanga o te poi.

Ki ahau nei, i tino rata au ki tēnei kaupapa o te hanga poi tukurua. I ako au I te toitūtanga, i werotia tēnei wero kia whakaaro ki waho i te poukai, waihoki i tino rerekē tēnei kaupapa ki ērā atu mahi Kaiao.

Hei whakakapinga, i tutuki mātou ko te Wharekura i ngā mahi poi, otirā, i whai hua mātou ki te $4,000